!الكايد آحلى! عضو جديد
عدد المساهمات : 7 تاريخ التسجيل : 19/02/2010
| موضوع: يقول اللي بدع زيـن المثايـل الجمعة فبراير 19, 2010 7:39 pm | |
|
| يقول اللي بدع زيـن المثايـل يبي ياصف نبات وعشب حايل
| بدا بالقحويـان اللـي بياضـة يسـر العيـن لامنـه تمـايـل
| وربله والنفل والشيـح عاطـر على جال الذي واديـه سايـل
| وقيصوم وبختـري والخزامـا جمالـه ماتبـي غيـره بدايـل
| وبسباس ودعاع بكـل فيضـه اليا من هل به وبـل المخايـل
| ونعناع الجبل زاهـي بريحـه اليامـن هبتـه ريـح الشمايـل
| وزهر الديدحان أحمـر بلونـه وجنب اعبيثران العشب شايـل
| ورمث وعرفج وصمعى تلامع مع الخبّيز فـي رسـم النفايـل
| جهق حماض حـواء لانظرتـه زهورة تعجبك بيـن الخمايـل
| ونوارة مع القرّيـص الأصفـر تشوف الحمّصيص بغصن طايل
| نصي حـوذان والجرّيـد نبتـه وجـوده للكمـا اكبـر دلايـل
| غظا وارطا وكـراثٍ وعـاذر على رمل النفود اللـي تهايـل
| سلـم وقليقـلان وعوشـزيّـه جعد وأم اللبـن كلـه سوايـل
| ورمـرام وجثاثـه والـكـدادة غصون الطلح من حوله ظلايل
| عسى فاله مطر في كل موسـم وبرق الغيم من فوقـه شعايـل
|
|
منقول | |
|
هلالي . حائل :مشرف الأقســـام التقنية:
عدد المساهمات : 133 تاريخ التسجيل : 17/02/2010
| موضوع: رد: يقول اللي بدع زيـن المثايـل السبت فبراير 20, 2010 5:33 pm | |
| قصيدة رائعة ومميزة
يعطيك العافية اخوي الكايد آحلى | |
|
النمر عضو جديد
عدد المساهمات : 13 تاريخ التسجيل : 21/02/2010
| موضوع: رد: يقول اللي بدع زيـن المثايـل الأحد فبراير 21, 2010 5:23 pm | |
| الله يعطيك العافية على القصيدة الرائعة | |
|