اقفى ولادري وين وجهة ركابه

ماودي اجرح صاحبي في غيابه
حيث ان حبي له خشير مع الروح
غلا الاوادم ماهقيت ايتشابه
اخلاصي اللي يتبعن وين ماروح
اعوام مرت ما حسبنا حسابه
بنى غرامي له عمارات وصروح
دمعي من فراقه هميل السحابه
مثل المطر من فوق الاوجان مسفوح
اقفى ولاادري وين وجهة ركابه
هم بالجنوب او غايبن عنهم الضوح
او دونهم شمسن بالاحزان غابه
قلبي من فراقه عليلن ومجروح
ولا واهني لو ني من اردى زهابه
بس اتبعه هي منوة النفس والروح
واتليه واقببل مواطي ترابه
وامشي مثل ظله معه وين مايروح
اغليه والله واستلذ ابعذابه
وانسى خماله ولو كتب لي على لوح
ليتي اوظف حارسن عند بابه
من شان اشوفه منوتي دون مصلوح
اوصاف خلى به رموز المهابه
اسمه وذكره مع هل الطيب ممدوح
عقلن وحكمه والكرم والحبابه
ايضا ومع هذا سواليف ومزوح
عزي لمن تطرد بقايا سرابه
زاد العطش وقلبي تعود على النوح

منقووول

الله الله قصيدة رائعة جدا

يامال العافية اخوي الكايد آحلى

طرح أكثر من رائع

دمت ودام إبداعك